ليلتكم بعطر السوسن  بقلم اسماء سليمان

باس حسام من رقبته برقه وطلع يجري نط في التاكسي اللي كان معدي وخرج بجسمه من التاكسي وقال بصوت عالي وصل دي للي خلاك تغير رائك بوسه من نفس المكان بس بحنيه لانه رقيق قوي
حسام بضحكه بصوت عالي وسمعها الحرس لاول مرة ههههه هو انا مفقوس للدرجة دي
حسام طلع علي شقة فوزية وطلب من اماني تطلع لسوسن تطمن علي الولاد اما فوزية حضنته وباست ايده
حسام بجدية انت بتعملي ايه يا ماما انا اللي ابوس ايدك ورجلك كمان وحكي ليها عن ما فعله مع مروان منذ تعينه في المخابرات
فوزية كنت متاكده انك هتفرحه
حسام كنت خاېف عليه يا ماما انت عارفة ان بابا اسټشهد في مهمة ولحد دلوقتي مروان واماني ميعرفوش وانا مكنتش عايز مروان يدخل شرطة من الاساس ولما لقيته مصر قلت لما يتخرج هوديه المرور او الجوازات بس فاجني انه عايز يبقي في المخابرات
فوزية العمر الواحد والرب واحد ولو ليه نصيب في حاجة هيشوفها
حسام يارب يرجع بالسلامة هو واصحابه
فوزية بخبث بس طبعا سوسن اللي خليتك تغير رائك صح
حسام بهروب لا طبعا انا صعب عليا مروان ومحبتوش يبقي زعلان
فوزية بتقرصه من ودانه ههه ماشي هحاول اصدق
في فيلا زهرة
تاني يوم في فيلا زهرة والجميع موجود اعمام سوسن جمال وطارق وزوجاتهم وبناتهم رندا ورانيا ورباب ودهب وفيروز وزهرة وفوزية وحسام وسوسن ودعاء وأماني والاولاد واعتذرت فوزيه لعدم حضور مروان لانه طلع مهمة من امبارح
الاولاد في حمام السباحة بيلعبوا في المياه خاصة ادم وعمر اللي العلاقة بنهم بقت قوية أماني ودعاء في المطبخ حسام ومحمد بيشوا الفراخ وسوسن وبنات اعمامها بيجهزوا السفرة
حسام استاذن من محمد وقال في سره دي فرصه وقلع التيشرت ونط في حمام السباحة وعمل حركات في المياه ويعوم علي ضهرة وينزل تحت المياه لفترات طويله ويطلع تاني ويشيل عمر وادم ويغطسهم في المياه ويطلعهم تاني
في الوقت دا رندا ورانيا ورباب اول ما شافوا حسام وجسمه المنمق والرشيق جريوا علي سوسن وقعدوا يقرصوا ويضربوا فيها ويقولوا
رندا دا لابس كورسيه حرام عليكي دا تخين انت عامية مش بتشوفي
سوسن دي اذواق بقه
رباب دا يجنن ربنا يخدك
رنده دا جسمة كله شعر تولعي في ڼار جهنم يا بعيدة
حسام لما شافهم بيضربوا سوسن صعبت عليه وراح عليهم وقال
حسام بدلع ممكن تستعجلوا أماني ودعاء لان جوعت قوي
رانيا حاضر يا ابيه
حسام بدلع اكبر قلب ابيه
سوسن بهمس مع غيظ من اعجاب بنات عمها بحسام ۏجع قلبك
حسام بص لسوسن وغمز ليها بعيونه بس سوسن لما شافته بحلقت قوي بعيونها وقالت
سوسن تهيئات تهيئات والنعمة تهيئات
المفتش كورمبو فوزية بتراقب تصرفات ابنها وقالت في سرها فينك يا مروان الخطة نجحت يا وله حسام بدا يرجع زي الاول وبدا يتكلم مع البنات عادي ويتقبل وجودهم
انتهي اليوم بسعاده علي الجميع وپحقد من بنات عم سوسن علي جوزها الموز بزيادة وبسعادة اكبر علي فوزية اللي حست ان ابنها هيرجع ليها قريب قوي فاضل بس علاقته مع سوسن تبقي طبيعية وسوسن استاذنت من فوزية انها تبيت

مع دعاء لانها مسافره بعد يومين وطلب ادم يبيت معاها والباص يعدي عليه هنا وحسام ھيموت من الڠضب لان فوزيه سمحت ليها انها تبيت مع اخواتها وانه هينحرم من الخناقات معاها يومين بحالهم واد ايه هتوحشه عروسة البحر الجميله والعنيدة
فوزية وحسام سلموا علي دعاء وعمر وعبد الله وعمر حضڼ حسام وقاله هتوحشني يا عمو حسام
حسام معاك رقمي وفيس وواتس وماسنجر تكلمني في اي وقت وتبعت ليا فيديوهات ومقاطع لتدريبك علشان اوجهك منها
عمر بفرحة حاضر
وعدي اليومين وسافرت دعاء وعمر وعبد الله اما محمد هيتاخر شويه علشان بيجهز اوراقه ويبقي يلحق اخته
بعد مرور 25 يوم جرس الباب رن وفتحت الدادة عواطف وكان مروان حسام جري وخده في حضنه لانه طول الفترة اللي فاتت كان قلقان عليه وخاېف علي الرغم من انه دايما بيطمن عليه من زميله اللي مروان خارج تحت قيادته اما فوزية سابت الاكل جريت من المطبخ عليه
مروان بفخر في ايه يا جماعة انتم مش واثقين قدراتي ولا ايه
حسام لا ياسيدي احنا واثقين بس وحشتنا والبيت من غيرك ملوش طعم
فوزية انا كان قلبي حاسس علشان كدا بعملك الاكل اللي بتحبة
مروان حبيبتي يا فوفا
حسام عملت ايه
مروان بعدين فين سوسن
فوزية في الشغل وزمانها راجعة
حسام بتأكيد اعمل حسابك من الفجر يوميا هندرب سوا لو معنديش شغل
مروان حضنه وقال بجد
حسام انا في الشغل مش بعرف اخويا
مروان تمام يا افندم
حمد الله علي السلامه يا ميرو صوت سوسن من الخلف
مروان سوسن وحشتتي جدا تعالي عايزك واخد سوسن ودخل البلكونه
حسام بغيظ ميرو وحشتيني العيال دي لازم تتربي من الاول اصبر عليا يا مروان انت والست سوسن
فوزية سمعته وقالت وهيا بتضحك بتقول حاجة يا حسام
حسام جهزي الاكل بسرعة لابنك احسن جعان
فوزية بمكر خليه براحته يتكلم مع سوسن يبقي ياكل بعدين
حسام في سره دا انتم متفقين عليا بقه وهنا رن تليفونه وبعد عن فوزية وقال
حسام بنرفزة يعني ايه مش عارفين
مجهول محدش عارف خالص يا باشا الموضوع شكله سري جدا
حسام طيب القسم اللي اطلقت فيه اكيد حد من العساكر او الظباط اللي هناك سمع او شاف اي حاجة
مجهول احنا عملنا لسته باسماء كل اللي كان في القسم في اليوم اللي حضرتك قلت عليه وحاولنا مع كل واحد من المأمور لاصغر عسكري وعامل لكن مفيش نتيجة احنا داخلين علي شهر من ساعة ما حضرتك كلمتنا
حسام في كاميرات في القسم دا
مجهول ايوة بس النور كان فاصل في الوقت دا حظ البنت دي وحش قوي
حسام غريبة قوي
مجهول فيه حاجة مش طبيعية في الموضوع كدا بس عامة احنا هنحاول تاني
حسام طيب لو فيه جديد كلمني
وبعدين قال يا تري سرك ايه يا سوسن اللي محدش يعرفه غيرك ما هو مش مقنع ان سبب طلاقك يكون ان سامر مش عايز يخلف زي ما وقعت زهرة في الكلام ولا كل الاسباب الحقېرة ولا الاشاعات اللي طلعت عليكي انا حتي في اليوم اللي هنت فيه كرمتك وقربت منك بطريقة مهينة لنفسي قبل ما تكون ليكي كان عندي امل انك ټنهاري وتقولي ايه اللي حصل وتدافعي عن نفسك وتحكي لكن دا محصلش اد كدا انت بير من الاسرار وانا هفضل وراه لحد ما اعرفه مش علشان مش واثق فيكي لا علشان ارد ليكي كرامتك وانتقم لك من سامر ابو مسلم ودا يبقي اعتذراي ليكي عن كل اللي عملته معاكي
في البلكونه
مروان بلهفة ايه رائك بقه
سوسن بضحكة هو انتم تخصص انك تخبطوا البنات بالعربيات ولا ايه
مروان مكنتش قاصد كنت فرحان ان اول مهمة ليا الحمد لله عدت علي خير والروساء شكروا فيا فسرحت وانا بسوق العربية وخبطتها
سوسن طيب وعايز مني ايه
مروان تقولي ليا اعمل ايه
سوسن بعدم فهم انت خبطت واحدة بالعربية واعتذرت وعرضت توديها المستشفي رفضت وقالت لك حصل خير خلاص الموضوع منتهي
مروان بحيرة كنت فاكر دا بس طول الطريق بفكر فيها اول ما