اخو جوزي بقلم هويدا زغلول

وديتك اللي انت عايزه من امتى الرجاله بتمد يدها للحريم وبتاخد منهم فلوس اديها ضحكت عليك واخذت فلوسك
حسين
يعني دي جزاتي وثقت فيها وامنتها على فلوسي وارضي يا حاج فتحي انا عايز حقي انا لو شفتها هخلص عليها
الحاج فتحي
احنا اللي هنلاقيها وهنخلص عليها الست اللي تهرب من بيت جوزها مش لازم تعيش دي عار علينا ومستحيل نسيبها هربانه من بيت جوزها من غير عقاپ واحنا العقاپ عندنا اننا نخلص عليها
حسين
تخلصوا عليها او لا انا عايز حقي عايز فلوسي
الحاج فتحي
لما نلاقيها هتاخد فلوسك بس نلاقيها الاول
اكيد رحت سالت رشا عليها صح
حسين

اكيد وقالت لي ان هي مش عندها
الحاج فتحي
روح لرشا تاني وقول لها تقول لك على اماكن صحابها كلهم وروح لهم واحد واحد وشوف هتلاقيها عندهم ولا لا
حسين
ماشي يا حاج فتحي لما اشوف اخرتها معاكي يا نوال
الحاج فتحي
ما تقلقش يا ولدي فلوسك هترجع لك يلا مع السلامه
حسين
مع السلامه حاج فتحي
قفل الحاج فتحي مع حسين وبص لابنه واخوه
الحاج فتحي
شفت يا حاج محمد بنت اخوك حطت راسنا في الطين وهربت لازم لازم نلاقيها باي طريقه اللي زي دي مش لازم تعيش ابدا
الحاج محمد بعصبيه
طبعا يا حاج فتحي دي حطت راسنا في الطين وجابت لنا العاړ ما ينفعش معاها غير اننا نخلص عليها اللي تهرب من بيت جوزها ملهاش دي عندنا
الحاج فتحي
اسمع يا ولدي هتاخد احمد الغفير واخوك متولي وتطلعوا تدوروا عن ليها كل مكان حتى لو هتنزلوا المدينه المهم ترجعوا بالبنت دي وتلاقوها انتم بتدوروا في المدينه وهو هيسال رشا على مكان صحابها يمكن تبقى قاعده عند واحده منهم
رجب
حاضر يا ابا هقلب لك عليها البلد لغايه ما اجيبها ما تشيلش هم يلا يا متولي
متولي
يلا يا رجب
الحاج محمد
ربنا معاكم يا اولاد وترفعوا راسنا لما تجيبوها هنا ونخلصوا عليها بيدنا قبل ما جوزها يمسكها كمان احنا اللي عايزين نخلصوا عليها علشان نرفع راسنا لفوق
رجب 
ما تقلقش يا عمي كل اللي انت عايزه هنعمله لك يلا السلام عليكم
وفي شقه حماتي كانت نايمه وصحيت 
لقيتني خلصت الشغل كله وقالت
نبويه
نفدت بجلدك يا بنت يا سماح وكان معاكي ساعتين زياده لحقت تخلصي فيهم اللي انت عايزاه ماشي هعديها لك المره دي
سماح بتوتر
عملتك اللي انتي عايزه اهو بلاش بقي تعملي 
اللي عملتي ده تاني قدام عيالي وانا اوعدك اعملك كل اللي انتي عايزه من هنا ورايح
نبويه بتريقه
وانا مصدقاك يا بت اغلي شويه ميه وتعالي اغسلي لي رجلي بميه وملح
سماح صډمه
اغسل لك رجلك يا حماتي هي حصلت للدرجه دي عايزه تذليني وتهنيني طب ليه وانا عملت لك ايه يعني ده كله
نبويه
مالك يا بت هو انا بطلب منك المستحيل يلا اخلصي وبعدين لو امك قالت ليكي كده مش هتعملي ليها الكلام ده ولا اي
سماح بتوتر
طيب اعمل لك كده وتسيبيني اخرج ساعتين اروح عند ابويا وحشني وعايزه اشوف يا حماتي
نبويه
تروح عند ابوكي وانت كلي كم يوم هتروحي لي عند ابوكي يا سماح ولا ايه الا لما بشوفه بيرفع سماعه التليفون وبيتصل حتى يطمن عليك
سماح
معلش يا حماتي مهما كان ده ابويا برده ولازم اروح اشوفه كل يوم والثاني واطمن عليه ياحماتي
نبوية 
انا هسيبك تخرجي يا سماح انتي كدة كدة ڠصب عنك هتغسلي رجلي حتي لو رفضت انك تخرجي بس انا هسيبك بمزاجي وتاني مرة متسومنيش فاهمة ولا لا يلا اغلي المياة وهتيها
سماح 
حاضر يا حماتي هعملك اللي انتي عايزه
نبوية 
بلاش كتر كلام يا سماح و اخلصي حضري المياه 
واغسلي رجلي وفعلا عملت كده
في