اتصل عليا رقم غريب
المحتويات
بعد ما اتجوزت
لاقيت رقم غريب بيرن علي تيليفوني رديت
قلت ألو مين معايا
لاقيته بيقولي أنا واحد معجب بيكي من زمان
قفلت في وشه التيليفون فضل يرن طول اليوم
بس أنا قفلت التيليفون اليوم ده
ومش عارفه ليه ما قلتش لجوزي تاني يوم
لما فتحت التيليفون لاقيته رن كتير
و بعت رسايل
شوية بعد ما فتحت التيليفون بدأ يتصل ويبعت رسايل وأنا ما أردش عليه
واحدة واحدة بدأت افرح كل ما يبعت رسايل أو يحاول يتصل
ممكن علشان جوزي عمره ما قالي كلمة حلوة أنا عارفة إن ده مش عذر
بس رديت عليه إتحججت قدام نفسي إني عاوزه أعرف مين ده
وبدأنا نتكلم قالي هو مين طلع شاب من بلدنا أعرفه
قالي إنه بيحبني من زمان وكان ناوي يتقدملي بس جوزي سبقه
و إتجوزني ورغم كده مش قادر ينساني
صديته في الأول بس بعد كده بدأت أتكلم معاه في حاجات عادية ومكالمة بعد مكالمة بدأت أتعلق
بيه واليوم اللي ما نتكلمش فيه أحس إني ناقصني حاجة
إتصالاتي أنا وأحمد بدأت تزيد وبدأ يكون في رسايل بينا كمان
بعد فترة صغيرة من كلامنا مكالماتنا ورسايلنا أخدت
قلت ألو أحمد أنت سامعني
رد عليا صوت سلفي قالي إزيك يا مرات أخويا !!!!!!!!!
بعد ما سمعت صوت سلفي في التيليفون بيقولي إزيك يا مرات أخويا
قفلت المكالمة علي طول وشلت الخط من التيليفون وما بقيتش عارفة
إيه اللي بيحصل
ما نمتش من التفكير لو سلفي طلع عارف اللي بيني وبين أحمد
فضلت طول الليل مش عارفة أتلم علي أعصابي وما حستش بنفسي إلا لما جه ميعاد مرواح جوزي علي شغله
حاولت أتمالك أعصابي قدامه علشان ما يبانش عليا أي حاجة
وبعد ما جوزي مشي علي الشغل بنص ساعة إتصلت عليه علشان أعرف لو سلفي قاله حاجة
رد عليا وكان صوته عادي مافيهوش أي تغيير
قفلت مع جوزي وقلت لنفسي حتي لو سلفي قال لجوزي فهو ما عندوش إثبات علي حاجة
من زمان فأكيد مش هيصدقه
و بعد ما رجع جوزي من الشغل ما لاحظتش أي تغيير عليه وتعامل معايا عادي خالص
قلت لنفسي ياتري سلفي ناوي علي إيه وليه ما قالش لجوزي حاجه
تاني يوم بعد ما جوزي مشي علي الشغل بنص ساعة الباب خبط
روحت فتحت لاقيت سلفي !!
عاوزك في موضوع
وطبعا كنت
عارفة جاي ليه
قلتله إتفضل
دخل الأنتريه وسألني أومال فين علي قلتله نايم لسه ما صحيش
قالي كويس أنو نايم علشان ما يسمعش الكلام هيتقال دلوقتي
أنتي طبعا عارفة أنا جاي أكلمك في إيه
قلتله وهعرف منين
ضحك ضحكة
عالية وبعدها كشړ
متابعة القراءة
