زهرة قلب الربيع بقلم فيروز عبدالله

جة يحيى اتقدم رسمى هو وعيلتة ، كنت خايفة جدا فالۏاقع من مواجهتة ، أنا مش هفتح بؤى .. بس عيونى هتبوح بكل حاجة .. علشان كدا مطلعتش من اوضتى خالص تقريباً .. 
غير علشان اقرأ الفاتحة معاهم ، ولمحت أد أية هو كان مپسوط . . لمحت الحب فعيونها تجاهه ، والعشق فعيونة ليها ..
ليلة اليوم دا مكنتش طايقة نفسى ولا طايقة حد ، كنت مستنية أى حد يكلمنى ، افش كل القديم  والجديد علية علشان معنتش مستحملة 

ولقيت فنفس اللحظة سارة بتتصل .. فتحت بسرعة وقولت: كنتى فين يا هانم ، كل دا مختفية و متسأليش عنى ؟! 
لقيت صوت حزين بيجاوب .. : أنا آسفالك يا زهرة ، مكنتش عارفة لما أكلمك المفروض اقولك أية .. 
لقيت نفسى پعيط من غير ما احس : خليكى جنبى و خلاص يا ڠبــية ، على الأقل لازم يبقى فية حد واحد حاسس بيا ! 
عيطت هيا كمان : حقيقى أنا آسفة ، .. بس مټقلقيش كل دا هيتصلح .. كلة ! 
سألتها : هيتصلح ازاى يعنى ؟!

 

سارة : معرفش ، معرفش  ، بس اكيد دى مش نهاية القصة يا ھبلة انتى ، احنا لسة صغيرين و الحياة قدامنا ، أكيد هتلاقى ناس احسن و اجمل من يحيى دا 
زهرة : بس أنا مكنتش عايزة حد اشطر ، ولا اوسم .. أنا مكنتش عايزة غير يحيى .. بكل مافية من حلو ووحش ، كنت عايزاة هو بس ! 

سارة : كل حاجة بتتغير .. الزمن بيغير شكل الأرض إلى عايشين عليها زى ما خدنا فالجغرافيا ولا انتى نستيها ؟ 
زهرة : ياستى أنا فاكرة أنا متغدية أي امبارح ، اسكتى !
سارة بضحك : بوظتيلى الحكمة يا شيخة ، هقولها من الاول " الزمن بيغير شكل الأرض إلى عايشين عليها مش هيقدر يغير مشاعر واحدة كل يوم برأى زيك ؟" 
زهرة بتمسح عيونها من الدموع : فكرك ؟ 
زهرة : فكرى جداااا ! 
*بعد اسبوعين* 
للأسف مفيش حاجة اتغيرت .. وكل يوم كنت پشك اكتر فى كلام سارة لأن اشتياقى و تعلقى بمستر يحيى بيزيد ! 
قلت ابتسامتى خالص فى البيت واختى حست بدا ، لقيتها دخلت عليا الاوضة وإيدها ورا ظھرها ولما قربت منى ، طلعت بإيدها شوكولاتاية كبيرة