حكايتي للكتابة ملك إبراهيم

بدأت بوضع بعض اللمسات الخفيفه من ادوات التجميل وصففت شعرها وتركته مفرود وحطت برفان رائحته تشبه رائحة الزهور الهاديه.. شعرت عليا بالانتعاش وخرجت من غرفتها وهي بتتمنى ان يكون زين لسه مرحش الشركه ويشوفها وهي بالجمال دا..

نزلت الدرج واتفاجأت بالجد وجدة زين وزياد قاعدين وبيتكلموا عن وصول قسمت خالة زين

قربت منهم عليا والقت عليهم تحية الصباح بابتسامه والكل لاحظ جمالها وتغيرها وكأنها زهرة رجعت لها الحياه..

اتبدلت ملامحها للحزن لما ملقتش زين موجود..لاحظت جدة زين انها بتبحث بعنيها عن زين واتكلمت بمرح: متقلقش هو لسه مكلمنا وجاي في الطريق

اټكسفت عليا واتكلمت بتوتر: هو مين ؟

جدة زين بضحك: اللي عنيكي بتدور عليه

ابتسمت عليا بخجل وقعدت بجانب جدة زين..

اتكلم زياد بهزار وهو بيحاول يحرك مشاعر الغيره بداخل عليا علي زين

زياد: اصله راح يجيب مراته التانيه من المطار

بصتله عليا پصډممه واتبدلت ملامحها في لحظه.. ضحك زياد علي شكل عليا وضحكت جدته واتكلمت معاه بضحك: انت لسه فاكر دا الكلام دا كان زمان

اتكلمت عليا بفضول: هو ايه اللي بيجيب مراته التانيه من المطار ولسه فاكر وكان زمان

رد عليها الجد وهو بيضحك: اصل والدة زين الله يرحمها كانت متفقه مع اختها قسمت ان زين يتجوز "جيلان" بنتها

ضحكت عليا پغيظ واتكلمت پغضب مكتوم: وايه اللي منع جوازهم

ردت جدة زين وهي بتضحك: يا حبيبتي دا كان كلام من زمان وهما صغيرين

قاطع حديثهم دخول قسمت خالة زين وهي بتتكلم بابتسامه: صباح الخير

رد الجميع عليها ووقفت والدتها وهي بټضمھا بسعاده وسلمت قسمت علي الجد وعلي زياد وقربت من عليا واتكلمت بابتسامه

قسمت: اكيد انتي عليا صح ؟..

هزت عليا راسها برقه وسلمت عليها..اتكلمت قسمت بابتسامه: دا زين مبطلش كلام عنك طول الطريق وعن جمالك ورقتك وبصراحه طلع عنده حق.

ابتسمت عليا بسعاده واتكلم زياد بمرح: وهو فين اوعو يكون وصلكم وهرب علي الشركه